Бюро перакладаў

Кваліфікаваныя перакладчыкі з вялікім вопытам работы выканаюць пісьмовы пераклад дакументаў любога аб'ёму ў самыя кароткія тэрміны:

• тэхнічны (пераклад тэхнічнай дакументацыі: патэнтаў, стандартаў, інструкцый па эксплуатацыі і іншае);
• пераклад юрыдычнай і нарматыўна-прававой дакументацыі (нарматыўныя і заканадаўчыя акты, устаноўчыя дагаворы і статуты, ліцэнзійныя пагадненні і іншае);
• пераклад камерцыйнай і дзелавой дакументацыі (дзелавая перапіска, тэндарныя прапанаванні і аферты, таварасуправаджальныя дакументы);
• пераклад дакументацыі ў галіне інфармацыйных тэхналогій (тэксты для вэб-сайтаў, праграмнага забеспячэння і іншае);
• пераклад асабістых дакументаў, у тым ліку для далейшага натарыяльнага засведчання сапраўднасці подпісу перакладчыка (пашпартоў, даведак, пасведчанняў, дыпломаў).

Кошт работы разлічваецца зыходзячы з агульнай колькасці знакаў з прабеламі ў гатовым тэксце перакладу, што вызначаецца з выкарыстаннем функцыі «Статыстыка» ў меню «Сэрвіс» дадатку Microsoft Word. Такая методыка падліку дазваляе найбольш аб'ектыўна ацаніць аб'ём перакладу незалежна ад памеру шрыфту, міжрадковага інтэрвалу, малюнкаў або чарцяжоў на старонцы. За 1 уліковую старонку прымаецца тэкст аб'ёмам 1800 знакаў з прабеламі.

Калі дакумент змяшчае менш за 1800 знакаў, яго кошт разлічваецца як за 1 уліковую старонку. Дакументы на пераклад можна адправіць па электроннай пошце: perevod@cci-vitebsk.by.

Стандартныя тэрміны выканання перакладу аднастаронкавых (у тым ліку асабістых) дакументаў － 1 дзень (сёння на заўтра). У іншых выпадках тэрміны агаворваюцца пры афармленні заказу ў залежнасці ад аб'ёму і складанасці тэксту.

Тэрміновы пераклад ажыццяўляецца ў тэрмін меншы за 1 працоўны дзень з моманту рэгістрацыі заказу. Яго кошт на 30% вышэйшы за стандартны заказ.

Звяртаем Вашу ўвагу, што пераклад дакументаў тэхнічнай, медыцынскай, юрыдычнай, эканамічнай і іншых тэматык лічыцца спецыялізаваным, такім чынам, яго кошт на 30% вышэйшы за кошт стандартнага заказу.

Пры тэрміновым перакладзе спецыялізаванай дакументацыі, яго кошт павялічваецца на 50%.