Прэм'ер-міністр Рэспублікі Беларусь Р.Галоўчанка накіраваў прывітанне калектыву і членам Беларускай гандлёва-прамысловай палаты з нагоды 70-годдзя БелГПП

Паважаныя сябры!

Ад імя Урада віншую работнікаў і членаў Беларускай гандлёва-прамысловай палаты з 70-годдзем са дня заснавання.

Беларуская гандлёва-прамысловая палата мае багатую гісторыю, традыцыі, карыстаецца заслужаным аўтарытэтам у нашай краіне і за мяжой, выступае трывалым сувязным звяном паміж дзяржавай і бізнесам.

Эфектыўная работа кіраўніцтва і калектыву арганізацыі садзейнічае нарошчванню і дыверсіфікацыі экспарту, развіццю вытворчасці канкурэнтаздольнай прадукцыі, абароне інтарэсаў беларускіх суб'ектаў гаспадарання.

Палата ўносіць важкі ўклад у папулярызацыю айчынных тавараў і паслуг на знешніх рынках, пашырэнне геаграфіі дзелавых кантактаў, пошук перспектыўных замежных партнёраў.

Перакананы, што назапашаны вопыт і прафесійны падыход да справы будуць садзейнічаць эфектыўнай рэалізацыі важных эканамічных задач, што стаяць перад БелГПП.

Жадаю Беларускай гандлёва-прамысловай палаце высокіх вынікаў у дзейнасці на карысць Рэспублікі Беларусь, а працоўнаму калектыву – поспехаў, невычэрпнай энергіі, здароўя і дабрабыту.

Прэм'ер-міністр Рэспублікі Беларусь

Р.А.Галоўчанка