Пасяджэнне Савета Беларускай гандлёва-прамысловай палаты

У Беларускай гандлёва-прамысловай палаце адбылося пасяджэнне Савета БелГПП – кіруючага органа, які ажыццяўляе кіраванне дзейнасцю Палаты ў перыяд паміж з'ездамі. У пасяджэнні прынялі ўдзел намеснік Міністра замежных спраў Рэспублікі Беларусь Ігар Назарук, кіраўнікі і прадстаўнікі 58 прадпрыемстваў і арганізацый – членаў БелГПП.

З дакладам аб выніках работы прэзідыума Беларускай гандлёва-прамысловай палаты ў 2021 годзе выступіў намеснік старшыні Дзяніс Мялешкін. Ён падкрэсліў, што мінулы год, з тымі выклікамі і пераменамі, з якімі прыйшлося сутыкнуцца бізнес-супольнасці, БелГПП вызначыла для сябе не годам абмежаванняў і кансервацыі, а годам новых магчымасцей. «Нам даводзілася і непрагназуема мяняць планы, і аператыўна выпрацоўваць новыя падыходы па падтрымцы экспарцёраў, і шукаць новыя формы работы. Але мы не проста працягнулі стабільна працаваць, а таксама змаглі забяспечыць устойлівае развіццё практычна па ўсіх кірунках. У многім гэта ўдалося зрабіць дзякуючы зладжанай і эфектыўнай рабоце прэзідыума Палаты, аператыўным і канструктыўным рашэнням па важных для бізнесу пытаннях», – адзначыў намеснік старшыні БелГПП.

Справаздачу аб выніках фінансавай дзейнасці Палаты ў мінулым годзе прадставіла старшыня рэвізійнай камісіі БелГПП Святлана Грабянцова.

Пры абмеркаванні дзейнасці Беларускай гандлёва-прамысловай палаты за справаздачны перыяд дырэктар ТАА «Паліполь Мэбля Бел» Алег Хвалюк, генеральны дырэктар Віцебскага аддзялення БелГПП Наталля Вараб'ёва, дырэктар Цэнтра дзелавой адукацыі БелГПП Алена Хорошевская, намеснік старшыні – дырэктар выканаўчай дырэкцыі Гомельскага абласнога саюза наймальнікаў Галіна Касаверская, дырэктар ТАА «МІЗ Медбелрос» Ігар Леўчык, генеральны дырэктар дзяржаўнага прадпрыемства «БТЛЦ» Андрэй Сладкевіч, кіраўнік Адміністрацыі СЭЗ «Магілёў» Андрэй Ярцаў, дырэктар СТАА «Кайант» Андрэй Казановіч, генеральны дырэктар ААТ «МАЗ» – кіруючая кампанія холдынгу «БЕЛАЎТАМАЗ» Валерый Іванковіч адзначылі эфектыўнасць работы Палаты з прадпрыемствамі-членамі, актуальнасць стварэння пляцовак для бізнес-дыялогу, укаранення новых паслуг па падтрымцы экспарцёраў, прадставілі прапановы па ўдасканаленню дзейнасці БелГПП, расказалі пра асаблівасці работы ў сучасных умовах, тыя праблемныя пытанні, з якімі давялося сутыкнуцца ў міжнароднай дзейнасці, а таксама прэзентавалі ўласныя праекты, рэалізацыя якіх стала магчымай дзякуючы падтрымцы БелГПП.

Намеснік Міністра замежных спраў Рэспублікі Беларусь Ігар Назарук адзначыў, што дзейнасць МЗС у сферы знешнеэканамічнай дзейнасці, нарошчвання і дыверсіфікацыі экспартнага патэнцыялу цесна звязана з работай Беларускай гандлёва-прамысловай палаты. Ён асабліва адзначыў такія праекты БелГПП у гэтай сферы, як «Акадэмія экспарту», электронная платформа бізнес-кантактаў, Рэестр добрасумленных партнёраўУ сувязі з тым, што ў адпаведнасці з Законам Рэспублікі Беларусь «Аб гандлёва-прамысловай палаце» старшыня БелГПП абіраецца Саветам па прадстаўленні МЗС, Ігар Назарук прадставіў на дадзеную пасаду кандыдатуру Міхаіла Мятлікава.

Рашэннем Савета БелГПП Міхаіл Мятлікаў выбраны старшынёй Беларускай гандлёва-прамысловай палаты.

Савет БелГПП прыняў рашэнне склікаць XII З'езд Беларускай гандлёва-прамысловай палаты 5 кастрычніка 2022 г.