Беларускі інвестыцыйны форум у Дубаі

У рамках правядзення Нацыянальнага дня Рэспублікі Беларусь на Сусветнай выстаўцы «ЭКСПА-2020» у Дубаі прайшоў Беларускі інвестыцыйны форум (БІФ), у якім прыняў удзел Прэм'ер-міністр Рэспублікі Беларусь Раман Галоўчанка.

У пленарнай частцы форуму, мадэратарам якой выступіў старшыня Беларускай гандлёва-прамысловай палаты Уладзімір Улаховіч, таксама ўдзельнічалі Міністр эканомікі Рэспублікі Беларусь Аляксандр Чарвякоў, Дзяржаўны міністр ААЭ Ахмед Алі Аль Саег, старшыня Федэрацыі гандлёва-прамысловых палат ААЭ, старшыня ГПП Абу-Дабі Абдула Махамед аль-Мазруей, старшыня Мінскага гарвыканкама Уладзімір Кухараў, заснавальнік кампаніі Emaar Properties Махамед Алі Алабар, кіраўнік Адміністрацыі Кітайска-беларускага індустрыяльнага парка «Вялікі камень» Аляксандр Ярашэнка, намеснік дырэктара па камерцыйных пытаннях ТАА «Брэміна Груп» Раман Собалеў, прадстаўнікі фондаў, фінансавых інстытутаў, інвестары, эксперты ў галіне інвестыцый і развіцця бізнесу, прадпрымальнікі Беларусі і ААЭ.

У ходзе БІФ разгледжаны магчымасці пашырэння беларуска-эмірацкага інвестыцыйнага супрацоўніцтва, перспектыўныя сумесныя праекты ў асобных сектарах эканомікі. Кіраўнікам інвестыцыйных фондаў, арганізацый і кампаній ААЭ прэзентаваны існуючыя ўмовы і рэсурсы для інвесціравання ў Беларусі, меры, прымаемыя на дзяржаўным узроўні для стымулявання дзелавой і інвестыцыйнай актыўнасці, перавагі вядзення бізнесу ў рамках спецыяльных прававых рэжымаў, прыклады паспяховага інвестыцыйнага супрацоўніцтва дзелавых колаў Беларусі і ААЭ.

На пляцоўцы форуму старшыня БелГПП Уладзімір Улаховіч і старшыня Гандлёва-прамысловай палаты Абу-Дабі Абдула Махамед аль-Мазруей падпісалі актуалізаванае пагадненне аб супрацоўніцтве дзвюх арганізацый.

Пасля завяршэння пленарнай часткі БІФ прадоўжыўся ў фармаце паралельных сесій па асобных напрамках супрацоўніцтва. БелГПП, Федэрацыяй гандлёва-прамысловых палат ААЭ і ГПП Дубая арганізаваны двухбаковыя сустрэчы і В2В-перагаворы прадстаўнікоў беларускага бізнесу з прадстаўнікамі прадпрыемстваў з ААЭ, Саудаўскай Аравіі і Сірыі.