Экспазіцыя Belarus. The Taste of Nature на выставе HKTDC Food Expo у Ганконгу

Экспазіцыя беларускіх вытворцаў Belarus. The Taste of Nature, сфарміраваная ўнітарным прадпрыемствам «Белінтэрэкспа» Беларускай гандлёва-прамысловай палаты, прадстаўлена ў Ганконгу Кітайскай Народнай Рэспублікі ў рамках міжнароднай выставы прадуктаў харчавання і напіткаў HKTDC Food Expo. Урачыстае адкрыццё адбылося з удзелам Генеральнага консула Беларусі ў Ганконгу Таццяны Харлап.

Сярод першых ганаровых гасцей, якія наведалі беларускую экспазіцыю ў рамках прэзентацыйнага абходу, – Генеральны дырэктар гандлёва-прамысловай палаты Ганконга Юнг Вэй Ці Патрык і намеснік старшыні Федэрацыі індустрыі Ганконга Энтані Лам.

Штогод адзін з вядучых сусветных гандлёва-фінансавых цэнтраў Ганконг прымае сотні экспанентаў – прадстаўнікоў гандлёвых кампаній і брэндаў з усіх кантынентаў для прэзентацыі навінак харчовай індустрыі ў аб'яднаным фармаце галіновай выставы HKTDC Food Expo.

Выстаўка дае унікальныя магчымасці для дэманстрацыі і дэгустацыі унікальных дэлікатэсаў і страў ад удзельнікаў прадуктовага форуму.

Сярод маштабных краінавых павільёнаў выставы прадстаўлены Японія і Карэя, Інданезія, Малайзія, Філіпіны, Мексіка, правінцыі і рэгіёны мацерыковага Кітая, уключаючы Фуцзань, Гуйчжоу, Хунань, Сычуань, Чжэцзян.

Рэспубліка Беларусь прадстаўлена ў асобнай лакацыі. Удзел у выставе актуальны для нашай краіны, паколькі Ганконг з'яўляецца значным рынкам збыту беларускіх тавараў, у рамках якога асаблівым попытам карыстаюцца малочная прадукцыя, мяса і харчовыя субпрадукты свойскай птушкі.

«Беларуская гандлёва-эканамічная прысутнасць на рынку Кітайскай Народнай Рэспублікі атрымлівае паслядоўнае эфектыўнае развіццё, а геаграфія супрацоўніцтва айчынных вытворцаў з кітайскімі прадстаўнікамі і кампаніямі пашыраецца, прыцягваючы да ўзаемавыгаднага дыялога новых партнёраў», – адзначыла дырэктар прадпрыемства «Белінтэрэкспа» БелГПП Наталля Кураш.

На выставе HKTDC Food Expo у рамках экспазіцыі Belarus. The Taste of Nature прадстаўлены чатыры беларускія прадпрыемствы.

Так, шырокую асартыментную лінейку згушчанага малака прэзентуе ААТ «Глыбоцкі малочнакансервавы камбінат». Сярод экспанаванай прадукцыі таксама алей, сыры, сухое малако і дыетычныя прадукты.

Спецыяльна для HKTDC Food Expo ТАА «Праймілк» прапануе малочна-тлушчавыя канцэнтраты, заменнік вяршкоў, сыроватку сухую дэмінералізаваную і лінейку мяккіх сыроў.

ААТ «Слонімскі мясакамбінат» прэзентуе каўбасныя вырабы, кансервы, мяса ялавічыны і дэлікатэсы, а ААТ «Гродзенскі мясакамбінат» прапануе шырокі прадуктовы пералік каўбасных вырабаў, у тым ліку прадукцыю, вырабленую па асаблівай рэцэптуры, з улікам попыту рынку Кітая.

Міжнародная частка выставы прадуктаў харчавання і напіткаў HKTDC Food Expo прадоўжыцца да 17 жніўня і аб'яднае шэраг бізнес-пляцовак для менторынгу, фарміравання кейсаў супрацоўніцтва і дыялогавых мерапрыемстваў з удзелам беларускіх прадстаўнікоў.

Удзел айчынных вытворцаў у Ганконгскай выставе з'яўляецца ў тым ліку вынікам комплекснай работы ў частцы прасоўвання беларускай прадукцыі і арганізацыі будучай нацыянальнай экспазіцыі ў рамках 7-й Кітайскай міжнароднай выстаўкі імпарту (CIIE), якая адбудзецца 5–10 лістапада ў Шанхаі.