Беларуска-Татарстанская бізнес-сустрэча

У Беларускай гандлёва-прамысловай палаце адбылася Беларуска-Татарстанская бізнес-сустрэча, арганізаваная БелГПП сумесна з Саюзам «Гандлёва-прамысловая палата Рэспублікі Татарстан» у рамках візіту ў Мінск дэлегацыі татарстанскіх дзелавых колаў.

Бізнес-сустрэчу адкрылі намеснік старшыні БелГПП Дзяніс Мялешкін і намеснік старшыні Гандлёва-прамысловай палаты Рэспублікі Татарстан Марат Ахматаў.

У сваіх выступленнях яны адзначылі, што прадпрыемствы Беларусі і Татарстана зацікаўлены ў паглыбленні існуючых партнёрскіх сувязяў і ўстанаўленні новых дзелавых кантактаў для развіцця ўзаемавыгаднага супрацоўніцтва ў розных сферах.

«Безумоўна, у Беларусі і Татарстана ёсць шмат сфераў для супрацоўніцтва, якія могуць быць цікавыя для бізнэсу. Сёння Беларусь можа прапанаваць супрацоўніцтва ў розных галінах эканомікі. Мы – экспартна арыентаваная дзяржава з развітой прамысловасцю, сельскай гаспадаркай і сектарам паслуг. Акрамя таго, у краіне канкурэнтаздольны інвестыцыйны і падатковы клімат», – адзначыў Дзяніс Мялешкін. Ён выказаў надзею, што дзелавы візіт дэлегацыі Рэспублікі Татарстан, які праводзіцца ў адказ на візіт у верасні мінулага года урадавай дэлегацыі Рэспублікі Беларусь, дасць магчымасць знайсці новыя магчымасці для ўзаемавыгаднай кааперацыі.

«Упэўнены, што ў выніку нашай сустрэчы і вашага візіту ў цэлым вы адкрыеце для сябе Беларусь як надзейнага партнёра на доўгатэрміновую перспектыву. Пры гэтым Беларуская гандлёва-прамысловая палата прыкладзе максімум намаганняў для забеспячэння плённага і прадметнага двухбаковага бізнес-дыялогу», – падкрэсліў намеснік старшыні БелГПП, звяртаючыся да прадстаўнікоў бізнесу Татарстана.

Пасля прывітальных выступаў адбыліся прэзентацыі эканамічнага патэнцыялу Рэспублікі Татарстан і прадпрыемстваў – членаў расійскай дэлегацыі.

У ходзе прамых В2В-перагавораў больш за 50 прадстаўнікоў прадпрыемстваў і арганізацый дзвюх краін абмеркавалі развіццё партнёрства ў сферах нафтахіміі і нафтасэрвісных паслуг, паставак металавырабаў, запчастак і камплектуючых для нафтапрамысловай спецтэхнікі, палімерных лістоў, будаўнічых металічных канструкцый, арэнды і кіравання нерухомай маёмасцю, а таксама па іншым напрамкам.