Сустрэча з дэлегацыяй Смаленскай вобласці

Віцебскім аддзяленнем Беларускай гандлёва-прамысловай палаты сумесна са Смаленскай гандлёва-прамысловай палатай арганізаваны візіт дэлегацыі дзелавых колаў Смаленскай вобласці ў г.Віцебск.

У склад дэлегацыі ўвайшлі віцэ-прэзідэнт Гандлёва-прамысловай палаты Смаленскай вобласці Аляксандр Кандрусік, намеснік начальніка ўпраўлення міжнародных сувязяў адміністрацыі г.Смаленска Алена Елісеева, прадстаўнікі прадпрыемстваў розных сфер эканамічнай дзейнасці.

У рамках дзелавой праграмы ўдзельнікі дэлегацыі Смаленскай вобласці наведалі ААТ “Віцебскі лікёра-гарэлачны завод “Прыдзвінне” і ААТ “Віцязь”, дзе азнаёміліся з вытворчасцю і выпускаемай прадукцыяй. Арганізавана бізнес-сустрэча і двухбаковыя перамовы для беларускіх і расійскіх прадпрыемстваў. У ходзе візіту падпісана пагадненне аб супрацоўніцтве паміж адвакацкім Кабінетам Меднікава рамана Леанідавіча і ТАА “інтэлектуальныя тэхналогіі бізнесу”.

У выпадку зацікаўленасці ва ўсталяванні кантактаў, арганізацыі сустрэч і перамоў з прадпрыемствамі і арганізацыямі Смаленскай вобласці просім звяртацца ў аддзел знешнеэканамічнай дзейнасці Віцебскага аддзялення БелГПП па тэл. +375 212 670097.