Удзел старшыні БелГПП В.Улаховіча ў Эканамічнай канферэнцыі ЦЕІ

Старшыня Беларускай гандлёва-прамысловай палаты Уладзімір Улаховіч у рэжыме відэаканферэнцсувязі прыняў удзел у Эканамічнай канферэнцыі Цэнтральна-Еўрапейскай Ініцыятывы (ЦЕІ), якая праходзіць у Будве 2–3 снежня.

Канферэнцыя арганізавана Эканамічнай палатай Чарнагорыі ў рамках старшынства Чарнагорыі ў ЦЕІ ў 2021 годзе. Асноўная тэма мерапрыемства – «Аднаўленне эканомікі пасля пандэміі».

Кіраўніцтва ЦЕІ, кіраўнікі і прадстаўнікі дзяржаўных органаў, бізнес-асацыяцый, фінансавых інстытутаў, вядучых кампаній, эксперты краін ЦЕІ (Албаніі, Беларусі, Балгарыі, Босніі і Герцагавіны, Венгрыі, Італіі, Малдовы, Польшчы, Румыніі, Паўночнай Македоніі, Сербіі, Славакіі, Славеніі, Украіны, Харватыі, Чарнагорыі, Чэхіі) абмяркоўваюць уплыў пандэміі на гандлёва-эканамічныя працэсы і бізнес, механізмы аднаўлення дзелавой актыўнасці, пытанні «зялёнай» эканомікі і выкарыстання аднаўляльных крыніц энергіі, фарміравання лічбавай павесткі ЦЕІ, перспектыўныя напрамкі эканамічнага развіцця ў постпандэмійны перыяд.