Сертыфікат прадукцыі уласнай вытворчасці

Сертыфікат прадукцыі ўласнай вытворчасці пацвярджае, што прадукцыя, якая вырабляецца заяўнікам, на самай справе з'яўляецца прадукцыяй уласнай вытворчасці.

Наяўнасць гэтага сертыфіката дазваляе вытворцу прадукцыі атрымаць права на падатковыя, мытныя і іншыя віды льгот, устаноўленыя заканадаўствам Рэспублiкi Беларусь. Наяўнасць сертыфіката прадукцыі ўласнай вытворчасці ў шэрагу выпадкаў з'яўляецца адной з галоўных умоў для ўдзелу ў працэдурах дзяржаўных закупак, або закупак за кошт уласных сродкаў на тэрыторыі Рэспублікі Беларусь.

Сертыфікат прадукцыі ўласнай вытворчасці выдаецца зацікаўленай юрыдычнай асобе (або індывідуальнаму прадпрымальніку), зарэгістраванай у Адзіным дзяржаўным рэгістры юрыдычных асоб і індывідуальных прадпрымальнікаў Рэспублікі Беларусь вырабляючых прадукцыю, пасля правядзення экспертызы, на падставе акта экспертызы па аднясенні прадукцыі да прадукцыі ўласнай вытворчасці.

Сертыфікат работ і паслуг уласнай вытворчасці выдаецца пасля правядзення экспертызы і пацвярджае прыналежнасць работ і паслуг да работ і паслуг уласнай вытворчасці, афармляецца па заявах юрыдычных асоб, індывідуальных прадпрымальнікаў. Наяўнасць гэтага сертыфіката дазваляе заяўніку атрымаць права на падатковыя, мытныя і іншыя льготы, прадугледжаныя заканадаўствам Рэспублікі Беларусь.

Сертыфікат работ, паслуг уласнай вытворчасці выдаецца пасля правядзення экспертызы на падставе акта экспертызы па аднясенні работ (паслуг) да работ (паслуг) уласнай вытворчасці. Крытэрыі і ўмовы аднясення работ і паслуг вытворцаў да работ і паслуг уласнай вытворчасці вызначаны Пастановай Савета Міністраў ад 17 снежня 2001 г. № 1817 "Аб зацвярджэнні палажэння аб аднясенні прадукцыі (работ, паслуг) да прадукцыі (работ, паслуг) уласнай вытворчасці".

Сертыфікат прадукцыі ўласнай вытворчасці;

Сертыфікат работ, паслуг уласнай вытворчасці;

31.01.2025 набыла моц пастанова Савета Міністраў Рэспублікі Беларусь ад 30 студзеня 2025 г. № 59 "Аб змяненні пастаноў Савета Міністраў Рэспублікі Беларусь ад 17 снежня 2001 г. № 1817 і ад 20 кастрычніка 2010 г. № 1520". У адпаведнасці з прынятымі змяненнямі сертыфікаты прадукцыі (работ і паслуг) уласнай вытворчасці могуць выдавацца на папяровым носьбіце і (або) у выглядзе электроннай копіі дакумента на папяровым носьбіце або ў выглядзе электроннага дакумента. Магчымасць прымянення электроннага сертыфіката ўласнай вытворчасці для мэт падаткаабкладання і ўдзелу ў таргах прапрацавана Міністэрствам па падатках і зборах, Нацыянальным цэнтрам маркетынгу і кан'юнктуры цэн, Беларускай універсальнай таварнай біржай. З 01.09.2025 БелГПП плануе поўнасцю перайсці на выдачу сертыфікатаў уласнай вытворчасці ў выглядзе электроннага дакумента. Пры гэтым кошт атрымання сертыфікатаў на папяровым бланку або ў выглядзе электроннай копіі сертыфіката на папяровым бланку будзе значна вышэйшы. У сувязі з гэтым БелГПП забяспечана магчымасць падачы заявы і пакета дакументаў на правядзенне экспертызы і (або) атрыманне сертыфікатаў прадукцыі (работ і паслуг) уласнай вытворчасці ў выглядзе электронных копій дакументаў на папяровых носьбітах або ў выглядзе электронных дакументаў. Падача і атрыманне электронных дакументаў дасць магчымасць скараціць затраты вытворцаў, звязаныя з неабходнасцю паездак у БелГПП. Адрасы электроннай пошты унітарных прадпрыемстваў БелГПП, іх філіялаў і прадстаўніцтваў для падачы электроннай заявы і дакументаў на правядзенне экспертызы і атрыманне сертыфіката прадукцыі (работ, паслуг) уласнай вытворчасці тут: