Сустрэча з прадстаўнікамі кітайскай кампаніі «Zhuhai Pantum Electronics Co.» адбылася ў БелГПП

У Беларускую гандлёва-прамысловую палату з візітам прыбыла дэлегацыя «Zhuhai Pantum Electronics Co.» – вядучага кітайскага вытворцы тэхнікі для друку.

У сустрэчы прынялі ўдзел:

• Ван Юго, намеснік генеральнага дырэктара «Zhuhai Pantum Electronics Co.»;

• Аляксандр Кукін, генеральны дырэктар прадстаўніцтва «Pantum» у Расіі;

• прадстаўнікі СЗАТ «Кампанія па развіцці індустрыяльнага парка».

Намеснік старшыні БелГПП Дзяніс Мялешкін праінфармаваў гасцей аб ключавых крытэрыях атрымання сертыфікатаў уласнай вытворчасці і актаў экспертызы. Гэтыя дакументы неабходны рэзідэнтам Кітайска-Беларускага індустрыяльнага парку «Вялікі камень» для:

• атрымання льгот у адпаведнасці з беларускім заканадаўствам;

• удзелу у працэдурах дзяржаўных закупак у Рэспубліцы Беларусі і краінах Еўразійскага эканамічнага саюза.

БелГПП выказала гатоўнасць аказаць кампаніі прадметныя кансультацыі па атрыманні неабходных дакументаў пасля прадстаўлення звестак аб плануемых умовах вытворчасці ў «Вялікім камені».