Беларуская экспазіцыя ў рамках XI міжнароднага форуму тэхналагічнага развіцця «ТЭХНАПРАМ-2024»

Выставачнае прадпрыемства «Белінтэрэкспа» Беларускай гандлёва-прамысловай палаты запрашае зацікаўленыя прадпрыемствы і кампаніі прыняць удзел у XI міжнародным форуме тэхналагічнага развіцця «ТЭХНАПРАМ-2024», які пройдзе з 27 па 30 жніўня на базе міжнароднага выставачнага комплексу «Навасібірск Экспацэнтр» у Навасібірску Расійскай Федэрацыі.

«ТЭХНАПРАМ-2024» сканцэнтруецца на актуальнай тэме: «трансфармацыя навукі і тэхналогій: роля і месца рэгіёнаў». У рамках беларускай экспазіцыі плануецца прадстаўленне навуковых, адукацыйных, станкаінструментальных, а таксама буйных прамысловых прадпрыемстваў Рэспублікі Беларусь.

Асноўнай мэтай правядзення форуму вызначана развіццё ўнікальнай платформы для фармiравання  міжрэгіянальных і міжнародных кааперацыйных ланцужкоў у мэтах імпартазамяшчэння (імпартааперажэння) і дасягнення тэхналагічнага суверэнітэту на прыкладах канкрэтных праектаў, распрацовак і кейсаў.

Тэматычныя раздзелы «ТЭХНАПРАМ-2024»: развіццё беспілотных авіяцыйных сістэм, лакалізацыя вытворчасці лекавых прэпаратаў, вытворчасць медыцынскіх вырабаў і абсталявання, станкаінструментальная прадукцыя і прамысловыя робаты, хімічная прадукцыя і новыя матэрыялы, электронная і радыёэлектронная прадукцыя, машынабудаванне і распрацоўкі.

У 2023 годзе на выставачных плошчах форуму сваю прадукцыю прадставілі больш за 250 кампаній, 145 экспанентаў. Звыш 1000 спікераў прынялі ўдзел у 200 мерапрыемствах.

Міжнародны форум «ТЭХНАПРАМ» праходзіць у Новасібірску штогод з 2013 года і дасягнуў статусу адной з найбуйнейшых дзелавых пляцовак для абмеркавання механізмаў аб'яднання патэнцыялу адукацыйных, навуковых і прамысловых арганізацый, стварэння эфектыўнай інфраструктуры навуковых даследаванняў, камерцыялізацыі інавацый, павышэння эфектыўнасці эканомікі і якасці жыцця людзей.